कर्णाली प्रदेश सरकारको मन्त्रिपरिषद् बैठकले ६ निर्णय स्वीकृत गरेको छ। प्रदेश विपद् जोखिम न्यूनीकरण तथा व्यवस्थापन (चौथो संशोधन) नियमावली–२०८३ स्वीकृत गर्ने प्रमुख निर्णय छ।
प्रदेश सचिव लक्ष्मीकुमार विकलाई कर्णाली प्रदेश प्रशिक्षण प्रतिष्ठानको कार्यकारी निर्देशकको पदमा खटाउने निर्णय भएको छ। योगदानमा आधारित निवृत्तिभरण कोष स्थापना तथा सञ्चालन सम्बन्धी विधेयकको अवधारणापत्रलाई सैद्धान्तिक स्वीकृति दिइएको छ।
प्रदेश सरकारका प्रवक्ता विनोदकुमार शाहका अनुसार, सामयिक राजस्व उठाउने सम्बन्धी विधेयकको अवधारणापत्रलाई पनि सैद्धान्तिक स्वीकृति दिइएको छ। विनियोजन ऐन, २०८२ को कार्यान्वयनमा देखिएको बाधा फुकाउन आदेश जारी गर्ने निर्णय बैठकले गरेको छ।
जीवनाशक विषादी व्यवस्थापन नियमावली, २०८३ समेत बैठकले स्वीकृत गरेको छ।
