निर्वाचन आयोगले नेकपा (एमाले) बाट निर्वाचित भई अन्य दलमा प्रवेश गरेका ८ जना वडाध्यक्षको पद रिक्त गर्ने निर्णय गरेको छ। दल त्यागको आधारमा आयोगले यो कारबाही गरेको हो।
२०७९ सालको स्थानीय तह निर्वाचनमा निर्वाचित ती जनप्रतिनिधिहरूले दल त्याग गरेकोले पद स्वतः रिक्त भएको आयोगले जनाएको छ। एमाले केन्द्रीय सचिवालयले जनप्रतिनिधिहरूले दल परिवर्तन गरेको जानकारी आयोगलाई दिएको थियो।
पदमुक्त हुने वडाध्यक्षहरूमा ओखलढुङ्गाका मात्र ३ जना छन्।
पद रिक्त भएका वडाध्यक्षहरूको नामावली
१. कमल बहादुर बानिया – मोलुङ गाउँपालिका-१, ओखलढुङ्गा
२. कमल तामाङ – मोलुङ गाउँपालिका-६, ओखलढुङ्गा
३. सुरेश कुमार थापा – चम्पादेवी गाउँपालिका-७, ओखलढुङ्गा
४. राजकुमार पन्थी – माथागढी गाउँपालिका-१, पाल्पा
५. होमप्रसाद बजगाईं – बागमती गाउँपालिका-७, ललितपुर
६. रामकुमार श्रेष्ठ – लेटाङ नगरपालिका-४, मोरङ
७. महेशकुमार खनाल – रंगेली नगरपालिका-१, मोरङ
८. मधुसुदन शर्मा – घोराही उपमहानगरपालिका-४, दाङ
