नेपाल र भारतका सीमा अधिकारीहरूले हराएका सीमा स्तम्भको पुनःनिर्माण र मर्मतसम्भारमा जोड दिएका छन्। सोमबार सम्पन्न बैठकमा कञ्चनपुर, कैलाली, डडेल्धुरा, बैतडी र दार्चुलाका प्रमुख जिल्ला अधिकारी सहभागी थिए। भारततर्फका सम्बन्धित जिल्लाधीश र सुरक्षा अधिकारीहरू पनि उपस्थित थिए।
कैलालीका प्रमुख जिल्ला अधिकारी हीरालाल रेग्मीका अनुसार सीमा स्तम्भको मर्मतसम्भार, हराएका स्तम्भको खोजी र पुनःनिर्माणबारे छलफल भएको छ। सीमा व्यवस्थापनमा आपसी सहकार्यलाई अझ प्रभावकारी बनाउने समझदारी भएको छ।
बैठकमा हराएका सीमा स्तम्भ पुनःनिर्माणका लागि प्राविधिक टोलीको प्रगतिबारे पनि जानकारी गराइएको थियो।
