काठमाडौंको बुद्धनगरमा शनिबार शरीरमा आगो लगाएका ४५ वर्षीय आश्विन राउतको उपचारका क्रममा निधन भएको छ। प्रहरीले उद्धार गरी वीर अस्पताल पुर्याए पनि उनको सघन उपचार कक्ष (आईसीयू) मा मृत्यु भएको हो।
जिल्ला प्रहरी परिसर काठमाडौंका एसपी पवन भट्टराईका अनुसार राउतको शरीरको ५० प्रतिशतभन्दा बढी भाग जलेको थियो। श्रीमती र छोरासँग बस्दै आएका राउतले आत्मदाहको प्रयास किन गरे भन्ने कारण भने हालसम्म खुल्न सकेको छैन।
प्रहरीले घटनाबारे थप अनुसन्धान गरिरहेको जनाएको छ।
