जीतपुरसिमरा उपमहानगरपालिका–१ दसधुरेकी तीन वर्षीया बालिका गरिमा चौधरीको हत्याको विरोधमा स्थानीयवासीले पथलैया–वीरगन्ज सडकखण्ड ठप्प पारेका छन्। बुधबार बिहान सुरु भएको प्रदर्शन बिहीबार पनि जारी छ। प्रदर्शनकारीले बालिकालाई न्याय र दोषीमाथि कडा कारबाहीको माग गरेका छन्।
सडक अवरुद्ध हुँदा सयौँ सवारीसाधन र यात्रु अलपत्र परेका छन्। प्रहरीका अनुसार साउन ३१ गते बेपत्ता भएकी बालिकाको सोही दिन हत्या भएको खुलेको छ। घटनामा प्रहरीले दुई जनालाई पक्राउ गरेको छ। पक्राउ परेका आरोपितले बालिकाको हत्या गरेको बयान दिएको छ।
