मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

बाजुराको कटीगाउँमा पहिरोले २ घर बगायो, २० घर उच्च जोखिममा

बाजुराको गौमुल गाउँपालिका-३ कटीगाउँमा पहिरोले दुई घर पुरिएका छन्। पहिरोमा स्थानीय बुदी बोहरा र पूर्णिमल बोहराको घरसहित पशुचौपाया पुरिएका छन्। २० घर उच्च जोखिममा छन्, मानवीय क्षति भने भएको छैन।
Nmkhabar डेस्क
१ मिनेट पढाइ
आकार:
बाजुरा पहिरो
Share:
१५१

बाजुराको गौमुल गाउँपालिका-३ कटीगाउँमा बिहीबार दिउँसो वर्षासँगै आएको पहिरोले दुई घर पुरिएका छन्। घरमाथिबाट खसेको पहिरोले स्थानीय बुदी बोहरा र पूर्णिमल बोहराका घर पूर्ण रूपमा ढालेको छ।

वडाध्यक्ष गोरखबहादुर बोहराका अनुसार पहिरोले घरसँगै भित्र रहेका पशुचौपाया समेत पुरेको छ। भिरालो जमिनका कारण आसपासका अन्य घर पनि पहिरोको उच्च जोखिममा छन्।

गाउँका थप २० परिवार पहिरोको उच्च जोखिममा छन्। पहिरो दिउँसो गएकाले स्थानीय सुरक्षित स्थानमा सरेका थिए। मानवीय क्षति भने भएको छैन। घरभित्रका अन्नपात, भाँडाकुँडा र धनमाल पुरिएका छन्।

विज्ञापन

जिल्ला प्रहरी कार्यालयका सूचना अधिकारी प्रहरी निरीक्षक नरेशबहादुर शाहीका अनुसार घट्मुनाबाट प्रहरीसहितको टोली उद्धार सामग्री लिएर घटनास्थलतर्फ खटिएको छ। केन्द्रबाट घटनास्थल पुग्न करिब चार घण्टा पैदल लाग्छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार