सर्वदलीय बैठक आज बस्दै: रसुवा बाढीको क्षति र उद्धारमा छलफल

रसुवाको भोटेकोसी नदीमा आएको विनाशकारी बाढीले पुर्‍याएको क्षति, त्यसपछिको खोजी तथा उद्धार कार्य, राहत र पुनर्स्थापनाका विषयमा छलफल गर्न आज सर्वदलीय बैठक बस्ने भएको छ । मंगलबार (भदौ १६) दिउँसो २ बजे सिंहदरबारस्थित राष्ट्रिय स्वतन्त्र पार्टी (रास्वपा) संसदीय दलको कार्यालयमा बैठक आह्वान गरिएको छ । बैठकमा बाढीबाट भएको क्षतिको समग्र अवस्था, बेपत्ताको खोजी, प्रभावितहरूको उद्धार, राहत वितरण तथा पुनःस्थापनाका विषयमा विभिन्न दलबीच छलफल हुने जनाइएको छ । बैठकको जानकारी रास्वपाका प्रवक्ता जगदीश खरेलले दिएका हुन् ।