जनकपुर बोल्ट्सका आइकोनिक प्लेयर राहुल यादवले नेपाल प्रिमियर लिग (एनपीएल) मा डेब्यू खेलको पहिलो बलमै कर्णाली याक्सका दीपक डुम्रेलाई बोल्ड गर्दै विकेट लिएका छन्। त्रिवि क्रिकेट मैदानमा कर्णाली याक्सविरुद्ध जारी खेलमा राहुलले यो सफलता हासिल गरेका हुन्।
राहुलले खेलको तेस्रो ओभर बलिङ गर्न आएका थिए। उनको पहिलो बलमै कर्णालीका ब्याट्सम्यान दीपक डुम्रे १३ रन जोडेर पभेलियन फर्किए।
जनकपुरको ट्यालेन्ट हन्टबाट एनपीएल यात्रा
राहुल यादव जनकपुरको ट्यालेन्ट हन्ट कार्यक्रममार्फत ‘आइकोनिक प्लेयर’ को रूपमा छनोट भएर एनपीएलमा प्रवेश पाएका हुन्।
यसअघि नेपाल प्रिमियर लिगको पहिलो खेलमै जनकपुर बोल्ट्स कर्णाली याक्ससँग १९ रनले पराजित भएको थियो, जसले टोलीको प्ले-अफ यात्रामा सुरुवातमै गम्भीर चुनौती थपेको थियो। हाम्रो अघिल्लो कभरेज अनुसार, यो हारले टोलीलाई दबाबमा राखेको थियो।
