धनुषाको बेलपाटी नजिकै ट्र्याक्टर र मोटरसाइकल ठोक्किँदा राष्ट्रिय स्वतन्त्र पार्टी (रास्वपा) विदेह नगरपालिकाका नगर सभापति हरि नारायण मण्डल घाइते भएका छन्।
मण्डल सवार मोटरसाइकल ट्र्याक्टरसँग ठोक्किएर दुर्घटना भएको हो। घाइते मण्डलको हाल अस्पतालमा उपचार भइरहेको छ।
रास्वपा विदेह नगरपालिका वडा नम्बर ३ का सभापति सञ्जीव झाका अनुसार, मण्डललाई चोटका कारण टाँका लगाइएको छ। शरीरका भित्री अंग र टाउकोमा गम्भीर चोट लागेको छ वा छैन भनी यकिन गर्न जानकी सिटी स्क्यानमा उनको सिटि स्क्यान (CT Scan) समेत गरिएको छ।
सञ्जीव झा पनि सोही समयमा छुट्टै मोटरसाइकलमा यात्रा गरिरहेकाले दुर्घटनाबाट जोगिएका छन्। उनले घाइते मण्डलको उपचारमा आवश्यक समन्वय गरिरहेको जानकारी दिएका छन्। अधिकारीहरूको प्रतिक्रिया अझै आएको छैन।
