पत्रकारमाथि प्रहरी धरपकडको विरोधमा देश तातिरहेका बेला प्रधानमन्त्री बालेन शाहले अप्रत्याशित रूपमा ‘लुडो र कलब्रेक’ को चर्चा गरेका छन्। शुक्रबार साँझ न्युजरुमै पसेर पत्रकारहरूमाथि सादा पोशाकका प्रहरीले धरपकड गरेपछि पत्रकार महासंघको आह्वानमा सञ्चारकर्मीहरू माइतीघरमा प्रदर्शन गरिरहेका थिए।
सञ्चारगृहमाथिको हस्तक्षेप, मध्यरातमा प्रहरीले जारी गरेको विरोधाभासी वक्तव्य र न्यायपालिकासमेत जोडिएको ‘फिक्सर’ इनम सापकोटा प्रकरणबारे सरकार प्रमुख मौन बस्नुलाई नागरिक स्तरबाट गम्भीर रूपमा लिइएको छ। प्रधानमन्त्री शाहले शनिबार आफ्नो आधिकारिक फेसबुक पेजमार्फत गेमिङ र आईटी क्षेत्रको सम्भावनाबारे स्टाटस लेखेपछि सामाजिक सञ्जाल प्रयोगकर्ताहरूले यसलाई ‘विषयान्तर गर्ने उत्तम चाल’ भन्दै कडा व्यंग्य कसेका छन्।
प्रधानमन्त्रीको फेसबुक पोस्ट
प्रधानमन्त्री शाहले आफ्नो फेसबुक पोस्टमा नेपालमा गेम बनाएर संसारभर नाम कमाएका कम्पनीहरूको प्रशंसा गरेका छन्। संसारकै चर्चित लुडो (करिब २०० मिलियन डाउनलोड) र कलब्रेक (१५० मिलियनभन्दा बढी डाउनलोड) नेपालीले नै बनाएको तथ्य प्रस्तुत गर्दै उनले युवा गेम डेभलपरहरूसँग छलफल गरेको जानकारी दिएका छन्।
नेपालबाटै ‘ग्लोबल युनिकर्न’ कम्पनी बनाउन सहज हुने नियम र वातावरण पुनरावलोकन गर्ने सरकारको तयारी रहेको उनको भनाइ छ। आईटी उत्पादन र निर्यात आशालाग्दो चरणमा रहेको भन्दै प्रधानमन्त्रीले कर सहजता, नीतिगत सुधार र अन्तर्राष्ट्रिय आयसम्बन्धी नियम सहज बनाउने आश्वासन दिएका छन्। साथै, गेम ज्याम, ह्याकाथन र स्टार्टअप कार्यक्रमहरूमा लगानी गर्ने उनको घोषणा छ।
नागरिक प्रतिक्रिया र मौनता
प्रधानमन्त्रीको पोस्टमा आईटी क्षेत्रको सकारात्मक कुरा भए पनि नागरिकको ध्यान भने उनी के विषयमा ‘मौन’ छन् भन्ने कुराले तानेको छ। पोस्टमा ५८०० भन्दा बढी कमेन्ट आएका छन्, जसमध्ये अधिकांशले विषय मोड्न खोजिएको भन्दै आक्रोश पोखेका छन्।
सामाजिक सञ्जाल प्रयोगकर्ता शंकर कार्कीले न्यायालयको शुद्धीकरणको कुरा उठाएका छन् भने, सरिता सापकोटाले
