बाराको कलैया उपमहानगरपालिका-२१ की १३ वर्षीया सरिया खातुनले अपमानजनक भिडियो भाइरल भएपछि आत्महत्या गरिन्।
उनले आफ्नै घरमा झुन्डिएर ज्यान लिएकी हुन्। गत १५ असारमा गाउँकै केही युवाहरूले बालिकालाई घेरेर अपमानित गरेको भिडियो सार्वजनिक भएको थियो।
भिडियोमा ती युवाहरूले भोजपुरी भाषामा कुराकानी गर्दै बालिकालाई दुर्व्यवहार गरिरहेको सुनिन्छ। उनीहरूले बालिकालाई बाँसको झाडीमा ‘बतासा’ भनिने एक युवकसँग देखेका थिए। त्यसपछि उनको मानमर्दन हुने किसिमको दृश्य बनाएर सार्वजनिक गरे।
