भद्रपुर नगरपालिकाको अत्यावश्यक वारुणयन्त्र (दमकल) प्राविधिक समस्याले बन्द भएको छ। नगरपालिकाले दमकल मर्मतका लागि कार्यशालामा पठाएको छ।
मर्मत सम्पन्न नभएसम्म आगलागी वा अन्य विपद्मा तत्काल उद्धारका लागि छिमेकी स्थानीय तहका दमकलमा निर्भर रहनुपर्नेछ। नगरपालिकाका निमित्त प्रमुख प्रशासनिक अधिकृत मनिषा श्रेष्ठद्वारा जारी सूचनामा यसबारे जानकारी दिइएको छ।
नगरपालिकाले मर्मतलाई प्राथमिकता दिएको जनाउँदै नागरिकलाई आगलागी तथा विपद् जोखिमप्रति थप सतर्क रहन आग्रह गरेको छ।
