धरानस्थित बीपी कोइराला स्वास्थ्य विज्ञान प्रतिष्ठानका पुराना कर्मचारीको सम्पत्ति छानबिन गर्न स्वास्थ्यमन्त्री निशा मेहताले कमिटी बनाउने घोषणा गरेकी छिन्।
मन्त्री मेहताले प्रतिष्ठानमा लामो समयदेखि कार्यरत पदाधिकारीको सम्पत्ति छानबिन गर्न कमिटी गठन गर्ने घोषणा गरिन्।
विगत १३ वर्षदेखि खरिद हुन नसकेको एमआरआई मेसिनका लागि मन्त्रालयले २५ करोड बजेट छुट्याएको छ। खरिद प्रक्रिया अघि बढेको स्वास्थ्यमन्त्री मेहताले बताइन्।
प्रतिष्ठानको शैक्षिक तथा सेवाको स्तर सुधार गर्न अर्को कमिटी बनाइनेछ। मन्त्री मेहताले विद्यार्थीका लागि स्किल ल्याब र पुस्तकालय शाखा निर्माण गर्ने प्रतिबद्धता जनाइन्।
अस्पताल परिसरभित्रको निर्भाना कन्ट्री क्लबलाई अस्पतालकै स्वामित्वमा फर्काउन मन्त्री मेहताले निर्देशन दिइन्।
प्रतिष्ठानमा लामो समयदेखि विवादित एमसिएच बिल्डिङ सुचारु भएको छ।
गृहमन्त्री सुधन गुरुङ र स्वास्थ्यमन्त्री निशा मेहताले प्रतिष्ठानको अनुगमन गरे।
गृहमन्त्री गुरुङ र स्वास्थ्यमन्त्री मेहताले कोशी प्रादेशिक अस्पतालको पनि अनुगमन गरे।
