धादिङको बैरेनीमा दुई बस ठोक्किँदा १२ जना घाइते भएका छन्; तीनको अवस्था गम्भीर छ।
पृथ्वी राजमार्गअन्तर्गत गएराति भएको दुर्घटनामा घाइतेमध्ये तीन जनाको अवस्था गम्भीर रहेको प्रहरीले जनाएको छ।
काठमाडौंबाट पोखरा र वीरगञ्जतर्फ गइरहेका बस बैरेनीमा ठोक्किएका थिए।
प्रहरीले घाइतेहरूको राति नै उद्धार गरी उपचारका लागि विभिन्न अस्पतालमा पठाएको थियो।
दुर्घटनामा परेका बसको विस्तृत विवरण र घाइतेहरूको पहिचान खुल्न बाँकी रहेको प्रहरीले बताएको छ।
