खाद्य व्यवस्था तथा व्यापार कम्पनीको प्रमुख कार्यकारी अधिकृत पद खुल्ला, ५ वर्षको अनुभव अनिवार्य
खाद्य व्यवस्था तथा व्यापार कम्पनी लिमिटेडमा करिब एक महिनादेखि रिक्त रहेको प्रमुख कार्यकारी अधिकृत (सीईओ) पदका लागि आवेदन खुल्ला गरिएको छ। उद्योग, वाणिज्य तथा आपूर्ति मन्त्रालयले खुला प्रतिस्पर्धाबाट उक्त पदमा नियुक्ति गर्न लागेको हो।
मन्त्रालयका अनुसार, ‘सार्वजनिक निकायमा पदाधिकारी नियुक्ति तथा मनोनयन सम्बन्धी निर्देशिका, २०७८’ बमोजिम योग्यता पुगेका व्यक्तिहरूले सूचना प्रकाशन भएको २१ दिनभित्र मन्त्रालयको सरकारी उद्योग तथा संस्थान शाखा, सिंहदरबारमा दरखास्त पेस गर्नुपर्नेछ।
उक्त पदका लागि पाँच वर्षको अनुभव अनिवार्य गरिएको छ। मन्त्रालयले यस पदका लागि आवश्यक योग्यता र प्रक्रियाबारे थप जानकारीका लागि विस्तृत सूचना प्रकाशित गरेको छ।
आवेदन प्रक्रियाको अन्तिम मिति: सूचना प्रकाशन भएको २१ दिनभित्र।
