वैदेशिक रोजगारी ठगीमा ५ जना पक्राउ, लाखौंको ठगीको आरोप

आकर्षक तलबको प्रलोभनमा पारी वैदेशिक रोजगारीमा विभिन्न देश पठाइदिन्छु भन्दै रकम ठगी गरेको अभियोगमा प्रहरीले पाँच जनालाई पक्राउ गरेको छ । काठमाडौं उपत्यका अपराध अनुसन्धान कार्यालय, टेकुबाट खटिएको प्रहरी टोलीले उनीहरूलाई विभिन्न स्थानबाट पक्राउ गरेको हो । पक्राउ पर्नेहरूमा सिन्धुली घर भई हाल बुढानिलकण्ठ-२ बस्ने ३६ वर्षीय कुनसाङ लामा, तारकेश्वर-८ बस्ने ३० वर्षीय सविन तामाङ, टोखा-११ बस्ने ३३ वर्षीय प्रकाश तामाङ, गोकर्णेश्वर-५ बस्ने ३५ वर्षीय सन्तोष लामा र सिन्धुपाल्चोक मेलम्ची-७ घर भई हाल टोखा-११ बस्ने २७ वर्षीय राजु तामाङ छन् । उनीहरूले पीडितहरूबाट लाखौं रुपैयाँ ठगी गरेको प्रहरीले जनाएको छ । प्रहरीले उनीहरूमाथि थप अनुसन्धान गरिरहेको छ ।