जर्मन कम्पनीको राहदानी अध्यागमनमा सफल, अख्तियारको छानबिनमा विवाद
जर्मन कम्पनीले छापेको राहदानी अध्यागमन विभागमा परीक्षण गर्दा सफल भएको छ। अख्तियार दुरुपयोग अनुसन्धान आयोगले विभागलाई राहदानी परीक्षणका लागि पठाएको थियो।
आयोगले विभागलाई पठाएको पत्रमा राहदानीको व्यक्तिगत विवरण पृष्ठलाई अध्यागमन सूचना प्रणालीमा जडान गरेर पासपोर्ट रिडर मेसिनमा स्क्यान गर्न निर्देशन दिएको थियो।
विभागका अनुसार स्क्यान गरेर परीक्षण गर्दा अध्यागमन प्रक्रिया (आगमन/प्रस्थान) का लागि प्रणालीलाई आवश्यक पर्ने व्यक्तिगत विवरण सफलतापूर्वक प्राप्त भएको छ।
यद्यपि, अख्तियार दुरुपयोग अनुसन्धान आयोग राहदानी छपाइ प्रक्रियामा भएको अनियमितताको छानबिन गरिरहेको छ।
