चालु आर्थिक वर्षको पहिलो ३४ दिनमा सरकारले १ खर्ब रुपैयाँभन्दा बढी राजस्व संकलन गरेको छ। महालेखा नियन्त्रक कार्यालयका अनुसार यस अवधिमा सरकारी ढुकुटीमा १ खर्ब रुपैयाँ जम्मा भएको छ।
कुल राजस्वमध्ये भन्सार महशुलबाट १४.५५ प्रतिशत, अन्तशुल्कबाट १५.४६ प्रतिशत, आयकरबाट २२.१७ प्रतिशत, मूल्य अभिवृद्धि कर (भ्याट) बाट ३४.०४ प्रतिशत र अन्य स्रोतबाट १३.७८ प्रतिशत राजस्व संकलन भएको छ।
अर्थमन्त्री डा. स्वर्णिम वाग्लेले आर्थिक वर्ष २०८३/८४ का लागि १५ खर्ब ८० अर्ब रुपैयाँ राजस्व संकलन गर्ने लक्ष्यलाई ‘मिसन १६ खर्ब’ नाम दिएका छन्। राजस्व चुहावट रोक्दै ‘मिसन मोड’ मा यो उच्च लक्ष्य हासिल गर्न अर्थ मन्त्रालयले मातहतका निकायहरूलाई निर्देशन दिएको छ।
गत आर्थिक वर्षमा सरकारले १२ खर्ब ४९ अर्ब रुपैयाँ राजस्व संकलन गरेको थियो। यस वर्षको लक्ष्य गत वर्षको तुलनामा ३ सय ३१ अर्ब रुपैयाँले बढी हो।
