गृहमन्त्री सुदन गुरुङ सुनसरीको देवानगञ्ज घटनाको स्थलगत जानकारी लिन बिहीबार साँझ विराटनगर पुगेका छन्।
विराटनगर पुगेलगत्तै गुरुङले उपचाररत घाइतेहरूको स्वास्थ्य अवस्था बुझ्न अस्पताल जाने कार्यक्रम छ। उनले चिकित्सकसँग घाइतेको अवस्था र उपचार व्यवस्थाबारे छलफल गर्नेछन्।
त्यसपछि गृहमन्त्री गुरुङले घटनामा ज्यान गुमाएका व्यक्तिका परिवारजनसँग भेट गरी समवेदना व्यक्त गर्नेछन्। उनले घटनासम्बन्धी जानकारी लिने र पीडित परिवारको अवस्था बुझ्नेछन्।
देवानगञ्ज घटनापछि उत्पन्न सुरक्षा अवस्था, सामाजिक सद्भाव र शान्ति–सुरक्षाबारे गृहमन्त्रीले स्थानीय प्रशासन, सुरक्षा निकाय र सरोकारवालाहरूसँग छलफल गर्नेछन्।
