पूर्व प्रधानन्यायाधीश चोलेन्द्रशमशेर जबरालाई प्रहरीले नियन्त्रणमा लिएपछि सर्वोच्च अदालतले असन्तुष्टि जनाएको छ। यसै सन्दर्भमा नेपाल प्रहरीका महानिरीक्षक (आईजीपी) दानबहादुर कार्कीले प्रधानन्यायाधीश मनोजकुमार शर्मासँग भेटवार्ता गरेका हुन्।
आईजीपी कार्की मंगलबार दिउँसो सर्वोच्च अदालत पुगेका थिए। उनले प्रधानन्यायाधीश शर्मासँग झण्डै एक घण्टा कुराकानी गरेका थिए। सर्वोच्च अदालतको फुलकोर्ट बैठकले जबरा प्रकरणमा आपत्ति जनाउँदै विज्ञप्ति जारी गरेको थियो।
