मकवानपुरको इन्द्रसरोवरमा ईभीको ब्रेक फेल हुँदा ९ भारतीयसहित ११ जना घाइते भएका छन्। गएराति काठमाडौंबाट हेटौंडा आउँदै गरेको बा.प्र.०१–०३३ च ५२५८ नम्बरको ईभी गाडी दुर्घटनामा परेको हो।
जिल्ला प्रहरी कार्यालय मकवानपुरका अनुसार, इन्द्रसरोवर–२ लामबगरमा गाडीको ब्रेक फेल भई सडकको दाहिने भित्तामा ठोक्किएको थियो। दुर्घटनामा गम्भीर घाइते भएका ३ जनाको हेटौंडा अस्पतालमा उपचार भइरहेको छ। अन्य घाइतेहरूको अवस्था सामान्य रहेको प्रहरीले जनाएको छ।
