काठमाडौं । नेपाल आयल निगमले आज पाँच स्थानबाट ग्यास बिक्री गर्ने भएको छ । जिल्ला प्रशासन कार्यालय, काठमाडौं र निगमको समन्वयमा तोकिएका स्थानबाट विभिन्न ब्रान्डका ग्यास सिलिन्डर उपलब्ध गराइनेछ ।
उपभोक्ताले बिहान १० बजेदेखि साँझ ६ बजेसम्म बिक्री केन्द्रमा ग्यास खरिद गर्न सक्नेछन् । ग्यास किन्न नागरिकता वा राष्ट्रिय परिचयपत्र अनिवार्य गरिएको छ ।
निगमको टेकु परिसरबाट नेपाल, एचपी, एभरेस्ट/सुगम, श्रीराम, सगर, सिद्धार्थ, श्री र हिमाल ग्यास वितरण हुनेछ । यातायात कार्यालय परिसर, चाबहिलबाट नेपाल र एचपी ग्यास उपलब्ध हुनेछ ।
राधास्वामी, कीर्तिपुर परिसरबाट नेपाल, एचपी, एभरेस्ट/सुगम, श्रीमाया, श्रीकृष्ण, साइजवाला र ओम ग्यास पाइनेछ । राधास्वामी, बसुन्धरा परिसरमा नेपाल, एचपी, एभरेस्ट/सुगम, भानु र ओम ग्यास बिक्री हुनेछ ।
पुरानो जिल्ला प्रशासन कार्यालय, बबरमहलबाट नेपाल, एचपी, एभरेस्ट/सुगम, श्रीराम, सगर, हिमाल, लोकप्रिय र सूर्य ग्यास उपलब्ध हुनेछ ।
निगमले एलपी ग्यासको आयात नियमित भइरहेको र उद्योगहरूले विक्रेतामार्फत नियमित बिक्री गरिरहेको स्पष्ट पारेको छ । यो विशेष वितरण व्यवस्था अति आवश्यक परेका उपभोक्ताका लागि मात्र हो । निगमले अनावश्यक लाइन नबस्न र आवश्यकता अनुसार मात्र ग्यास खरिद गर्न अनुरोध गरेको छ ।
