मकवानपुरको जुरेली बजार आसपास भइरहेको अविरल वर्षाले लाल बकैया नदीमा बाढी आउन सक्ने चेतावनी जल तथा मौसम विज्ञान विभागले दिएको छ। विभागले सूचना जारी गर्दै नदी आसपास डुबान भइरहने क्षेत्रका बासिन्दालाई बिहानसम्म सतर्क रहन आग्रह गरेको छ।
यस्तै, लम्जुङको घरेडुङ र आसपासका क्षेत्रमा भारी वर्षा भइरहेको छ। थप वर्षाको सम्भावना रहेकाले सावधानी अपनाउन अनुरोध गरिएको छ। विभागले स-साना खोलाहरूमा आकस्मिक बहाव बढ्ने र बाढी तथा पहिरोको जोखिम रहने भन्दै आवश्यक सतर्कता अपनाउन आग्रह गरेको छ।
