नारायणगढ–मुग्लिन सडक लगातारको वर्षा र पहिरोका कारण अनिश्चितकालका लागि बन्द गरिएको छ। जिल्ला प्रशासन कार्यालय चितवनले शुक्रबार बिहान ७:१५ बजे सूचना जारी गरी अर्को सूचना नआएसम्म सवारीसाधन सञ्चालनमा रोक लगाएको हो।
जिल्ला प्रशासन कार्यालय चितवनका अनुसार सडकखण्डका विभिन्न स्थानमा निरन्तर पहिरो गइरहेको छ। पहिरो हटाउने काम जारी रहेकाले तत्काल सडक सञ्चालन गर्न नसकिने अवस्था छ।
सवारी आवागमन बन्द रहने भएकाले यात्रुहरूलाई सोहीअनुसार यात्रा व्यवस्थापन गर्न प्रशासनले अनुरोध गरेको छ।
