स्वास्थ्य तथा खाद्य स्वच्छता मन्त्रालयले कर्णाली प्रदेशको राजधानी वीरेन्द्रनगर, सुर्खेतमा राष्ट्रिय जनसङ्ख्या नीति २०८२ सार्वजनिक गरेको छ।
जनसङ्ख्या व्यवस्थापन महाशाखाका सहसचिव हेमराज सुवेदीले नीति कार्यान्वयनका लागि संस्थागत, कानुनी र वित्तीय व्यवस्थापनबारे जानकारी दिए। नीतिमा चार उद्देश्य, २० विशेषता, २७ रणनीति, १२० कार्ययोजना र दुई अनुसूची छन्।
मन्त्रालयका उपसचिव झविन्द्रप्रसाद पाण्डेयले नेपालको जनसाङ्ख्यिक अवस्थाबारे प्रस्तुति राखे।
सुर्खेतका प्रमुख जिल्ला अधिकारी जगदीश्वर उपाध्यायले लागुऔषध, सडक दुर्घटना र आत्महत्याजस्ता समस्या समाधानमा नीति प्रभावकारी हुनुपर्नेमा जोड दिए।
संयुक्त राष्ट्रसङ्घीय जनसङ्ख्या कोष (युएनएफपिए) नेपालका अधिकृत तीर्थमान तामाङले नीतिले उल्लेखनीय उपलब्धि हासिल गरेको बताए।
