एनसेलको ६ अर्ब ५० करोडमा ८०% शेयर बिक्री अमान्य: सर्वोच्च
सर्वोच्च अदालतले एनसेलको ८० प्रतिशत शेयर जम्मा ६ अर्ब ५० करोड रुपैयाँ (५० मिलियन डलर) मा बिक्री गर्ने विवादास्पद सम्झौतालाई कानुनी रूपमा अमान्य ठहर गरेको छ।
नियामक निकायको पूर्वस्वीकृतिबिना र अस्वाभाविक रूपमा कम मूल्यमा गरिएको उक्त कारोबारलाई मान्यता नदिने फैसला गर्दै अदालतले अबको तीन वर्षपछि एनसेलको स्वामित्व सरकारी मातहतमा ल्याउन बाटो प्रशस्त गरेको हो।
न्यायाधीशद्वय सपना प्रधान मल्ल र टेकप्रसाद ढुङ्गानाको संयुक्त इजलासले सांसद अमरेशकुमार सिंहले दायर गरेको रिटमाथिको सुनुवाइपछि यस्तो फैसला सुनाएको हो।
सांसद सिंहले उक्त शेयर बिक्री प्रक्रियामा अनियमितता भएको भन्दै सर्वोच्चमा रिट दायर गरेका थिए।
