एनसेलले नेपाल इन्भेस्टमेन्ट मेगा बैंक (एनआईएमबी) लाई पत्र लेख्दै स्मार्ट टेलिकमको सम्पत्ति हस्तान्तरण गर्न वा ४ अर्ब ६० करोड रुपैयाँ फिर्ता गर्न अल्टिमेटम दिएको छ।
सरकारी नियन्त्रणमा रहेको स्मार्ट टेलिकमको सम्पत्ति गैरकानुनी रूपमा लिलामी गरी सरकारी हक टुटाउन खोजिएको प्रकरणमा यो नयाँ मोड हो। नेपाल प्रहरीको केन्द्रीय अनुसन्धान ब्युरो (सीआईबी) ले अनुसन्धान तीव्र पारेपछि एनसेलले यो माग गरेको हो।
सीआईबीले गत वैशाख २२ गते तत्कालीन स्मार्ट टेलिकमका अध्यक्ष सर्वेश जोशी लगायतलाई नियन्त्रणमा लिएर अनुसन्धान सुरु गरेको थियो।
