प्रधानमन्त्री दैवी प्रकोप उद्धार कोष र प्रधानमन्त्री राहत कोषमा ११ अर्ब ७७ करोड ६७ लाख ५० हजार २६१ रुपैयाँ जम्मा भएको छ। मङ्गलवार बिहान ९ बजेसम्मको तथ्याङ्क नौ वटा वाणिज्य बैङ्कमा मौज्दात छ।
कोषमा जम्मा भएको रकमबाट रसुवाका बाढीपीडितका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरणको नाममा एक अर्ब रुपैयाँ यसअघि नै निकासा भइसकेको प्रधानमन्त्री तथा मन्त्रिपरिषद्को कार्यालयले जनाएको छ।
एम.भी. दुगड़ ग्रुपले रसुवा बाढीपहिरो प्रभावितको राहत तथा पुनःस्थापनाका लागि प्रधानमन्त्री दैवी प्रकोप उद्धार कोषमा १ करोड ११ लाख रुपैयाँ सहयोग गरेको छ। यसमा ग्रुपका कर्मचारीहरूको स्वेच्छिक सहयोग पनि समावेश छ।
हिमालयन बैङ्क लिमिटेड र लक्ष्मी सनराइज बैङ्क लिमिटेडमा रहेको डलर खातामा दुई करोड ११ लाख आठ हजार ४७१ रुपैयाँ जम्मा भएको छ।
