इलेक्ट्रिक भेहिकलको जाँचपासमा चलखेल गरी कर छली गरेको आरोपमा रसुवा भन्सार कार्यालयका प्रमुखसहित ६ कर्मचारीलाई भन्सार विभागले तानेको छ। अर्थ मन्त्रालयले उनीहरूलाई जिम्मेवारीमुक्त गरेको जनाएको छ।
विभागले तत्कालीन प्रमुख भन्सार अधिकृत तुलसीप्रसाद भट्टराईसहितको टोलीलाई फिर्ता बोलाएको हो। भट्टराईसँगै भन्सार अधिकृत ठाकुर गौतम, भन्सार अधिकृतद्वय खड्गबहादुर माझी र प्रकाश पुडासैनी तथा नायव सुब्बा तेजबहादुर बललाई जिम्मेवारीबाट हटाइएको छ।
विभागले रसुवा भन्सारको रिक्त प्रमुख पदमा राजेन्द्र ढुङ्गानालाई खटाएको छ। नवनियुक्त प्रमुख ढुङ्गानाले अब कार्यालयको समग्र नेतृत्व सम्हाल्नेछन्।
