समस्याग्रस्त सहकारी व्यवस्थापन समितिको कार्यालयले शिवशिखर बहुउद्देश्यीय सहकारी संस्था लिमिटेडका कार्यालय र मार्टहरूमा रहेका जिन्सी सामान लिलाम बिक्री गर्ने प्रक्रिया सुरु गरेको छ। आइतबार सूचना जारी गर्दै समितिले १५ दिनभित्र निवेदन दिन आह्वान गरेको हो।
‘समस्याग्रस्त संस्था वा सङ्घको सम्पत्ति लिलाम बिक्री सम्बन्धी कार्यविधि, २०७३’ अनुसार यो प्रक्रिया अघि बढेको हो। यसबाट बचतकर्ताहरूको रकम फिर्ता गर्ने प्रक्रिया अगाडि बढाइनेछ।
सम्पत्ति खरिद गर्न इच्छुक व्यक्ति वा संस्थाले सूचना प्रकाशित भएको मितिले १५ दिनभित्र कार्यालयमा निवेदन दिनुपर्नेछ। यो प्रक्रियाले समस्यामा परेका बचतकर्ताहरूलाई केही राहत मिल्ने अपेक्षा गरिएको छ।
