सिरहाको नवराजपुर गाउँपालिकास्थित सीमावर्ती नाकाबाट करिब ४० लाख रुपैयाँ बराबरको अवैध सामानसहित एउटा ट्रक नियन्त्रणमा परेको छ। सशस्त्र प्रहरीले भारततर्फ तस्करी हुन लागेको ओखर, टुथपेस्ट र फेयर एण्ड लभ्लीजस्ता सामान बरामद गरेको हो।
प्रहरीले ट्रक चालकसहित दुई जनालाई पक्राउ गरेको जनाएको छ।
शनिबार मध्यराति स १ ख ५३५ नम्बरको ट्रकलाई सशस्त्र प्रहरीले नियन्त्रणमा लिएको थियो। गाडीको बत्ती बन्द गरी खेतै-खेत भारततर्फ जाँदै गर्दा उक्त ट्रक पक्राउ परेको हो।
पक्राउ पर्नेमा नवराजपुरका आनन्द यादव र राजेश यादव रहेको सशस्त्र प्रहरी गण सिरहाले जानकारी दिएको छ।
