प्रदेश सरकारलाई अधिकार हस्तान्तरण गर्ने प्रक्रियामा देखिएको अवरोधका कारण पछिल्लो दुई महिनादेखि स्मार्ट सवारी चालक अनुमतिपत्र (स्मार्ट लाइसेन्स) को छपाइ कार्य पूर्ण रूपमा ठप्प भएको छ। यसले गर्दा लाइसेन्सका लागि परीक्षा उत्तीर्ण गरेर बसेका हजारौँ सेवाग्राहीहरू निकै मारमा परेका छन्।
सङ्घीयताको मर्मअनुसार अधिकार हस्तान्तरण भएपछि गत साउन १ गतेदेखि नयाँ पास भएका तथा नवीकरणका लागि प्रक्रियामा रहेका लाइसेन्सको छपाइ कार्य रोकिएको हो।
नयाँ लाइसेन्स छपाइ हुन नसक्दा महिनाौंसम्म पनि कार्ड नपाउने समस्या बढेको छ। यसले गर्दा सेवाग्राहीहरूले ट्राफिक चेकिङमा जरिवाना पर्ने डर बोकेर हिँड्न बाध्य हुनुपरेको गुनासो गरेका छन्।
