ताप्लेजुङको दोभान बजारमा भीषण आगलागी हुँदा कम्तीमा १२ घर-पसल जलेर नष्ट भएका छन्।
बुधबार दिउँसो फैलिएको आगो अझै नियन्त्रणमा आउन सकेको छैन। फुङ्लिङ नगरपालिकाको दमकल, सुरक्षाकर्मी र स्थानीयको टोली आगो निभाउन खटिएको छ।
प्रारम्भिक विवरण अनुसार स्थानीय चन्द्रप्रसाद पौडेल र डण्डु लामाका घर जलेका छन्। Onlinekhabar लाई स्रोतले पुष्टि गरेअनुसार बिजुली सर्ट भएर आगलागी सुरु भएको हो। ७ घर पूर्ण जलेका छन् भने ३ घरमा ठूलो क्षति पुगेको छ।
तमोर र मैवाखोलाको दोभानमा रहेको यो बजार काठ र जस्तापाताले बनेका घरका कारण आगो तीव्र फैलिएको थियो।
दोभान बजार २०७७ फागुन १८ मा भएको आगलागीमा ४० घर जलेको थियो।
वर्षायाममा कटानको जोखिममा रहेको बजारमा निरन्तर वर्षा भइरहेकै बेला आगलागी भएको हो।
आगलागीको कारणबारे थप अनुसन्धान भइरहेको छ। इलाका प्रहरी कार्यालय दोभान, सेना, सशस्त्र प्रहरी र नेपाल प्रहरीको टोली नियन्त्रणमा खटिएको छ।
