तेह्रथुमको आठराई गाउँपालिकामा खुकुरी प्रहार गरी एक महिलाको हत्या भएको छ। प्रहरीले घटनामा संलग्न अभियोगमा एक पुरुषलाई पक्राउ गरेको छ।
आठराई गाउँपालिका-६ सिमखर्ककी ५१ वर्षीया रूपा लिम्बूको हत्या अभियोगमा सोही ठाउँका ३८ वर्षीय कृष्णबहादुर लिम्बू पक्राउ परेका हुन्। बुधबार राति घटना भएको थियो।
कृष्णबहादुरले खुकुरी प्रहार गरी रूपाको हत्या गरी फरार भएको सूचना पाएलगत्तै इलाका प्रहरी कार्यालय आठराईबाट प्रहरी टोली खटिएको थियो। प्रहरीले खोजतलास गर्ने क्रममा उनलाई आठराई गाउँपालिका-५ सुम्लिबुङबाट नियन्त्रणमा लिएको हो।
घटनाबारे प्रहरीले थप अनुसन्धान गरिरहेको छ।
