- मुख्य कुराहरू:
- पेप्सीकोलास्थित स्काई वाल्क टुर्स एण्ड ट्राभल्स प्रालिका सञ्चालक निर्दोष सापकोटा पक्राउ परेका छन्।
- उनलाई ठगीको कसुरमा काठमाडौं उपत्यका अपराध अनुसन्धान कार्यालयले पक्राउ गरेको हो।
- सापकोटाले सामाजिक सञ्जालमार्फत विदेश भ्रमणको प्रलोभन देखाएर ठगी गरेको आरोप छ।
- उनी सोमबार पेप्सीकोलाबाट नियन्त्रणमा लिइएका हुन्।
काठमाडौं उपत्यका अपराध अनुसन्धान कार्यालयले पेप्सीकोलास्थित स्काई वाल्क टुर्स एण्ड ट्राभल्स प्रालिका सञ्चालक निर्दोष सापकोटालाई पक्राउ गरेको छ। ठगीको कसुरमा उनलाई सोमबार पेप्सीकोलाबाट नियन्त्रणमा लिइएको हो।
सापकोटामाथि विदेश भ्रमणको प्रलोभन देखाएर सर्वसाधारणलाई ठगी गरेको आरोप लागेको छ। उनले आफ्नो ट्राभल्सको नाममा सामाजिक सञ्जालमा पेजहरू बनाएका थिए।
फेसबुक, टिकटक र इन्स्टाग्राममा उनले पेजहरू सञ्चालन गर्दै आएका थिए। ती पेजहरूमार्फत उनले बैदेशिक भ्रमणका लागि सम्पर्क गर्न आग्रह गरेका थिए।
उनले विशेषगरी थाइल्याण्डको एक हप्ताको भ्रमण प्याकेजको बारेमा प्रचार गरेका थिए। यस सम्बन्धमा थप अनुसन्धान भइरहेको प्रहरीले जनाएको छ।
