ऊर्जामन्त्री विराजभक्त श्रेष्ठले नेपाल विद्युत प्राधिकरणको ट्रान्सफर्मर र विद्युत मिटर खरिद प्रक्रियामा छानबिन सुरु गरेका छन्।
मन्त्री श्रेष्ठले बुधबार प्राधिकरण सञ्चालक समितिबाट शम्भु केसीको संयोजकत्वमा समिति गठन गरेका हुन्। केसीलाई मन्त्री श्रेष्ठले दुई साताअघि मात्रै प्राधिकरण सञ्चालकमा नियुक्त गरेका थिए।
समितिमा प्राविधिक, कानुन र खरिद विज्ञ सदस्य रहनेछन्। प्राधिकरणका एक उपकार्यकारी निर्देशकलाई सदस्यसचिवको जिम्मेवारी दिइनेछ।
