युवा स्वरोजगार कोषको ६७ करोड १९ लाख ६४ हजार रुपैयाँ कर्जा असुल हुन सकेको छैन।
महालेखा परीक्षकको ६३औँ वार्षिक प्रतिवेदन, २०८३ ले यो रकम असुल गर्नुपर्ने औंल्याएको छ। नियमावली, २०७७ को नियम १६ अनुसार कर्जा लगानी भएको थियो।
ऋण सम्झौताको शर्तअनुसार साँवा र ब्याज समयमा आएन। हर्जनासहित ठूलो रकम बक्यौतामा परिणत भएको प्रतिवेदनमा उल्लेख छ।
कोष र ऋणीबीच पाँचवर्षे लगानी सम्झौता भएको थियो। ऋण अवधि ४२ महिना रहने व्यवस्था छ। समयमा किस्ता नबुझाएमा थप दुई प्रतिशत ब्याज लाग्ने प्रावधान छ।
२०८२ असार मसान्तसम्म कोषको दुई अर्ब ३३ करोड ९४ लाख ५६ हजार रुपैयाँ साँवा बक्यौता छ।
कोषको अभिलेखअनुसार ४३२ सहकारीबाट ५७ करोड ९७ लाख १८ हजार साँवा असुल गर्नुपर्छ। आठ करोड ४६ लाख ९८ हजार ब्याज र २३ लाख ८२ हजार हर्जना थपिएको छ। यो कुल कर्जा असुल गर्नुपर्ने प्रतिवेदनमा उल्लेख छ।
