खुर्सानीको धुलो छ्यापेर लुटपाट गरी भाग्न खोज्ने गणेश कार्कीलाई प्रहरीले मनोहरा करिडोरमा गोली प्रहार गरी नियन्त्रणमा लिएको छ। कार्कीको खुट्टामा गोली लागेको छ।
जिल्ला प्रहरी परिसर काठमाडौंका अनुसार कार्कीमाथि सुकेधारामा एक व्यक्तिको आँखामा खुर्सानीको धुलो छ्यापेर सुनको सिक्री र मोबाइल लुटेको आरोप छ। लुटपाटपछि फरार रहेका उनलाई प्रहरीले जडीबुटीस्थित मनोहरा खोला करिडोरमा फेला पारेको थियो।
प्रहरीले नियन्त्रणमा लिने क्रममा कार्कीले भाग्न खोजेपछि प्रहरीले गोली चलाएको हो। Nmkhabarलाई स्रोतले पुष्टि गर्यो। थप अनुसन्धान भइरहेको छ।
