डडेल्धुराको परशुराम नगरपालिका–५ बाट सशस्त्र प्रहरी जवान ओमप्रकाश पुन मगर र स्थानीय ५६ वर्षीय तीर्थबहादुर थापा मगर महाकाली नदीमा बेपत्ता भएका छन्। शुक्रबारदेखि सम्पर्कविहीन उनीहरूको खोजी सुरु गरिएको छ।
जिल्ला प्रहरी कार्यालय डडेल्धुराका अनुसार बेपत्ता हुनेमा परिगाउँस्थित सशस्त्र प्रहरी बलको बोर्डर आउट पोस्ट (बिओपी)मा कार्यरत पुन मगर र थापा मगर रहेका छन्। प्रहरी नायब उपरीक्षक (डीएसपी) बरुणबहादुर सिंहले दुवै जना मामाभान्जा नाता पर्ने Nmkhabarलाई पुष्टि गरे।
शुक्रबार (जेठ १५) देखि सम्पर्कमा नआएपछि खोजी थालिएको हो। महाकाली नदी किनारमा उनीहरूले प्रयोग गरेको ट्युब फेला परेको छ। सोही आधारमा उनीहरू नदीमा बगेको हुन सक्ने आशंका गरिएको छ।
