नेकपा एमालेका नेता गोकुल बास्कोटाले नेपाल-भारत सीमा विवादमा तेस्रो पक्षको संलग्नताको माग देश मेट्ने नव जेलेन्स्की पथ भएको टिप्पणी गरेका छन्।
उनले सोमबार संघीय संसद्मा प्रधानमन्त्रीको अभिव्यक्तिप्रति टिप्पणी गर्दै दुई देशबीचको सीमा विवाद समाधानका लागि ऐतिहासिक तथ्य र प्रमाण नै आधार हुनुपर्ने बताएका छन्।
बास्कोटाले सामाजिक सञ्जालमा लेख्दै भनेका छन्, ‘लुसीफर मिथक हो। कुडभिन कुईस्लिङ सत्य हो। र, त्यो कोही नबनोस। नेपाल-भारतबिच सीमा विवाद छन्। तिनको समाधानको आधार ऐतिहासिक दशी प्रमाण हुन्। समाधानको बाटो कूटनीति नै हो। निष्कर्ष तथ्य स्वीकार्ने साहस हो।’
उनले तेस्रो पक्षको संलग्नताको मागलाई देश मेट्ने बाटोको संज्ञा दिएका हुन्।
