पश्चिम दाङको दङ्गीशरण गाउँपालिकाले किसानलाई ५० प्रतिशत अनुदानमा २६ लाख २२ हजार २१४ रुपैयाँ बराबरका कृषि उपकरण वितरण गरेको छ। गाउँपालिकाले आधुनिक खेती प्रणालीतर्फ किसानलाई आत्मनिर्भर बनाउने उद्देश्य राखेको छ।
गाउँपालिकाका प्रमुख प्रशासकीय अधिकृत कर्णबहादुर नेपालीका अनुसार, आर्थिक वर्ष २०८३/८४ को स्वीकृत कार्यक्रमअन्तर्गत कृषि शाखाबाट ६ लाख र हेफर संस्थाबाट १० लाख रुपैयाँ बजेट विनियोजन भएको थियो। किसानको १६ लाख रुपैयाँ थपिएपछि बोलपत्र प्रक्रियामार्फत उपकरण किनिएको हो।
कुल ५५ जना किसानलाई २० मिनीट्रिलर, पाँच रिपर, ११ चापकटर र १८ पानी तान्ने पम्प वितरण गरिएको छ।
