कालिकोटमा नेकपा (एकीकृत समाजवादी)को पार्टी कार्यविभाजनप्रति असन्तुष्टि चुलिएको छ। साबिक समाजवादीका जिल्ला अध्यक्ष चित्रसिंह गाउँलेले नेतृत्व चयनको विधिमा प्रश्न उठाएका छन्।
अध्यक्ष गाउँलेले पार्टीको कार्यविभाजन प्रक्रियामा मापदण्ड नपुगेको भन्दै असन्तुष्टि जनाएका हुन्। उनले कालिकोटमा संयोजक चयन गर्दा जिल्ला अध्यक्षको सट्टा साबिक इन्चार्जलाई जिम्मेवारी दिइएकोमा आपत्ति जनाए।
गाउँलेले नेतृत्व चयनमा विधि नभई व्यक्ति हेरिएको आरोप लगाए। यस विषयमा छलफल गर्न साबिक जिल्ला कमिटीको बैठक बोलाइएको उनले बताए।
