मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

क्यानाडा पठाइदिने भन्दै २ करोड ५० लाख ठगी गर्ने पूर्वमाओवादी कमान्डर चौधरी पक्राउ

क्यानाडामा आकर्षक रोजगारीको प्रलोभन देखाएर २६ जना युवायुवतीबाट करिब २ करोड ५० लाख रुपैयाँ ठगी गरेको आरोपमा पूर्वमाओवादी लडाकु कमान्डर लहानु चौधरी पक्राउ परेका छन्। प्रहरीका अनुसार चौधरीले पीडितहरूबाट प्रतिव्यक्ति ४ लाखदेखि १७ लाख रुपैयाँसम्म उठाएका थिए। पीडितहरूलाई दिइएको चेक बाउन्स भएपछि उजुरी परेको थियो।
Nmkhabar डेस्क
१ मिनेट पढाइ
आकार:
ठगी आरोपमा पक्राउ
Share:
१९९

क्यानाडामा आकर्षक रोजगारीको प्रलोभन देखाएर २६ जना युवायुवतीबाट करिब २ करोड ५० लाख रुपैयाँ ठगी गरेको आरोपमा पूर्वमाओवादी लडाकु कमान्डर लहानु चौधरी पक्राउ परेका छन्।

काठमाडौं उपत्यका अपराध अनुसन्धान कार्यालयको टोलीले उनलाई काठमाडौं महानगरपालिका–१५, चन्द्रागिरि–५ बाट पक्राउ गरेको हो। कैलाली घर भएका चौधरी लामो समयदेखि फरार थिए।

प्रहरीका अनुसार चौधरीले क्यानडामा राम्रो रोजगारीको आश्वासन दिँदै पीडितहरूबाट प्रतिव्यक्ति ४ लाखदेखि १७ लाख रुपैयाँसम्म रकम उठाएका थिए। रकम बुझाए पनि विदेश जान नपाएपछि पीडितहरूले पैसा फिर्ताको माग गरेका थिए।

विज्ञापन

पीडितहरूलाई दिइएको चेकसमेत बाउन्स भएपछि उनीहरूले वैदेशिक रोजगार विभागमा उजुरी दिएका थिए। विभागको अनुरोधपछि प्रहरीले चौधरीको खोजी तीव्र बनाएको थियो।

प्रहरीले पक्राउ परेका चौधरीलाई आवश्यक कानुनी कारबाहीका लागि वैदेशिक रोजगार विभागमा बुझाउने तयारी गरेको छ।

प्रारम्भिक बयानमा चौधरीले आफूले सञ्चालन गरेको म्यानपावर कम्पनी बन्द भएका कारण रकम फिर्ता गर्न नसकेको र ठगी गर्ने नियत नभएको दाबी गरेका छन्। प्रहरीले घटनाको अनुसन्धान जारी राखेको छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार