सोलुखुम्बुको सोलुदुधकुण्ड नगरपालिका-११ गन्जेडाँडामा ४६ वर्षीय तोईबहादुर कटवालको चक्कु प्रहार गरी हत्या भएको छ। प्रहरीले घटनामा संलग्न भएको आरोपमा १९ वर्षीय रोशन भुवनसिंह कार्कीलाई पक्राउ गरेको छ।
प्रारम्भिक अनुसन्धानमा कार्कीले मदिरा सेवनपछि कटवालसँग विवाद हुँदा रिसको आवेगमा चक्कु प्रहार गरी हत्या गरेको स्वीकार गरेका छन्। जिल्ला प्रहरी कार्यालय सोलुखुम्बुबाट प्रहरी नायब उपरीक्षकको कमान्डमा टोली घटनास्थलमा खटिएको थियो।
घटनासम्बन्धमा थप अनुसन्धान भइरहेको छ।
