रसुवा र धादिङका छ स्वास्थ्य संस्था बाढी-पहिरोले क्षतिग्रस्त भएका छन्। नौ स्वास्थ्यकर्मी सम्पर्कविहीन छन्।
रसुवाको टिमुरे स्वास्थ्य चौकी, स्याफ्रुबेँसी स्वास्थ्य चौकी, गैलुङ सामुदायिक स्वास्थ्य एकाइ र रसुवागढी हेल्थ डेस्क पूर्ण क्षति भएका छन्। यी रसुवाका हुन्।
धादिङको चरौँदी प्राथमिक स्वास्थ्य केन्द्र र बैरेनी अस्पतालको तल्लो तला आंशिक क्षतिमा परेको छ। स्वास्थ्य संस्था ध्वस्त हुँदा सेवा प्रवाह जटिल बनेको छ।
रसुवा र नुवाकोटमा कार्यरत नौ स्वास्थ्यकर्मी सम्पर्कविहीन छन्। स्याफ्रुबेँसीका खम्बु बोहरा, टिमुरेका सरिता मल्ल, सुस्मिता पाण्डे र हिस्मी घले बेपत्ता छन्।
गोसाइँकुण्डको दाहालफेदी स्वास्थ्य एकाइका विजय घले, रसुवागढी हेल्थ डेस्कका गोविन्द यादव, उत्तरगयाका बलराम न्यौपाने र प्रदीप न्यौपाने सम्पर्कविहीन छन्। त्रिशूली अस्पतालकी प्रेरणा तामाङ पनि बेपत्ता छिन्। बागमती प्रदेश स्वास्थ्य मन्त्रालयले यो पुष्टि गरेको छ।
बेपत्ताको खोजी जारी छ।
