भोटेकोशी बाढीबाट प्रभावित १५ स्थानीय तहलाई विपद् व्यवस्थापनका लागि ६ करोड ७५ लाख रुपैयाँ पठाइएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणको कार्यालयमा बसेको मनसुन प्रतिकार्य कमान्ड पोस्टको बैठकले यो निर्णय गरेको हो।
रसुवा, नुवाकोट, धादिङ, गोरखा र तनहुँका १५ वटा स्थानीय तहलाई उक्त रकम उपलब्ध गराइनेछ। बाढी र पहिरोबाट बढी प्रभावित क्षेत्रमा तत्काल उद्धार, राहत तथा पुनःस्थापनाका काममा यो रकम खर्च गरिनेछ।
प्रत्येक स्थानीय तहलाई ४५ लाख रुपैयाँका दरले रकम विनियोजन गरिएको छ।
