इनरुवा नगरपालिका–१०, जाल्पापुर चम्राही टोलबाट प्रहरीले १ हजार ४५४ किलो ८७० ग्राम गाँजा बरामद गरेको छ। यस घटनामा संलग्न एक जनालाई नियन्त्रणमा लिइएको छ।
आज बिहान करिब ३:०० बजे को १ च ८२७९ नम्बरको टाटा पिकअप भ्यान जाँच गर्दा उक्त परिमाणको गाँजा फेला परेको प्रहरीले जनाएको छ।
बरामद गरिएको गाँजासहित भोक्राहानरसिंह गाउँपालिका–५ का ३० वर्षीय रामबहादुर यादवलाई प्रहरीले नियन्त्रणमा लिएको छ। यादवमाथि थप अनुसन्धान भइरहेको छ।
