काठमाडौँ-तराई-मधेश द्रुतमार्गको निर्माणमा दोस्रोपटकको म्याद सकिनै लाग्दा तेस्रोपटक थप्ने तयारी भएको छ। राष्ट्रिय योजना आयोगले २०८५ सालसम्म कम्तीमा दुई लेन सञ्चालन गर्न नेपाली सेनालाई निर्देशन दिएको छ।
नेपाली सेनाले द्रुतमार्ग निर्माणको जिम्मा पाएको थियो। दोस्रोपटक म्याद थपिए पनि काम सम्पन्न भएन। निर्धारित समयमा आयोजना पूर्ण रुपमा सम्पन्न हुनेमा अन्योल देखिएपछि आयोगले यो कदम चालेको हो।
दोस्रोपटक थप गरिएको म्याद २०८३ चैत मसान्तमा सकिँदैछ। उक्त अवधिमा काम नसकिने छाँटकाँट देखिएन। सरकारले थप तीन वर्षका लागि तेस्रोपटक म्याद थप गर्ने तयारी गर्दैछ।
सेनाले २०७४ वैशाख २१ गते काठमाडौँ-तराई-मधेश द्रुतमार्ग निर्माणको जिम्मा लिएको थियो। यसअघि पहिलोपटक २०८१ मंसिरसम्म र दोस्रोपटक २०८३ चैतसम्म म्याद थप गरिएको थियो।
