वीरगन्जको आदर्शनगरबाट स्रोत नखुलेको ५२ लाख ५० हजार नेपाली रुपैयाँसहित चार जना पक्राउ परेका छन्। सोमबार साँझ दुईवटा मोटरसाइकलमा सवार उनीहरूलाई प्रहरीले चेकजाँचका क्रममा नियन्त्रणमा लिएको हो।
पक्राउ पर्नेमा भारतको सीतामढी घर भएका सुरज कर्ण, बाराका उपेन्द्र साह, सागरकुमार सर्राफ र पर्साका राहुलकुमार गुप्ता छन्। प्रहरीका अनुसार कर्णको साथबाट १ लाख, साहको साथबाट १८ लाख १६ हजार, सर्राफको साथबाट १८ लाख ३४ हजार र गुप्ताको साथबाट १६ लाख रुपैयाँ बरामद भएको छ।
बरामद रकम ५ सय र १ हजारका नोटमा छन्। उनीहरू प्रदेश २-०३-००३ प ७२१५ नम्बरको सुपर स्प्लेन्डर र ना. ५७ प ५१८२ नम्बरको एफजेड मोटरसाइकलमा सवार थिए। यस सम्बन्धमा पर्सा प्रहरीले थप अनुसन्धान गरिरहेको छ।
