रसुवाबाट पुनः बाढी आएको सूचनापछि प्रहरीले काठमाडौं-मुग्लिन सडक पूर्ण रूपमा बन्द गरेको छ। नारायणगढबाट पोखरा जाने तथा आउने सडक पनि बन्द गरिएको छ।
चितवन जिल्ला प्रहरी कार्यालयले बाढी तथा पहिरोको जोखिमलाई मध्यनजर गर्दै नदी तटीय क्षेत्रका बासिन्दालाई सतर्क रहन आग्रह गरेको छ। अर्को सूचना प्रकाशित नभएसम्मका लागि सवारी साधनको आवागमन बन्द गरिएको छ।
प्रहरीले जोखिमयुक्त क्षेत्रमा नबस्न, निर्देशन पालना गर्न र यात्रा स्थगित गरी सुरक्षालाई प्राथमिकता दिन सर्वसाधारणमा अपिल गरेको छ।
